මිනිසෙකුට මිනිසෙක් යැයි කියන්නට කළින්……..බොබ් ඩිලන්

1035x785-dylan-1800-1398957466_0-1

මිනිසෙකුට මිනිසෙක් යැයි කියන්නට කළින් ඔහු
ඇවිද යා යුතු වේද කී මාවතක් දිගේ
554149f110533-esq-01-young-bob-dylan-052311-xlgසුදු පරෙවි දෙන වැල්ලේ සැතපෙන්න පෙරාතුව
කළ යුතු වේද ඇය කොපමණ සයුරු තරණය

එසේමය
තහනමට පෙර යළි යළි නොඑන්නට
ඉගිල යා යුතු වේද කාල තුවක්කු උණ්ඩ කොපමණ

පිළිතුර සුමිතුරේ
පාව යයි උඩු සුළෙඟ්

එසේමය
කොයි කලක් පැවතිය යුතුද පව්වක්
දියව යන්නට පෙර මහා සයුරට

එසේමය,
නොනැසී සිටිය යුතුද ඇතමෙක් කී කලක්dylanuktour-poster
නිදහසේ දිවි ගෙවන්න ඉඩ ලැබෙන්න කලින්

එසේමය
කී වරක් හරවන්න හැකි වේද හිස ඉවත
අඟවමින් නොදන්නා වග කිසිත්

පිළිතුර සුමිතුරේ
පාව යයි උඩු සුළෙඟ්

එසේමය
පෙනෙන්නට පෙර අහස කී වරක්
උඩ බැලිය යුතු වේද මිනිසෙක්………

එසේමය
බොහෝ දන මිය ගොසින් ඇති බව
දැනුවත් වෙන්න පෙර ඔහු
මිය යා යුතු වේද කොපමණ දනා

පිළිතුර සුමිතුරේ
පා ව යයි උඩු සුළෙඟ්

bob-dylan-52fe6be6-hero
ෙමි කවි පෙළ ඉංග‍්‍රීසි බසින් ගැයෙන ගීයක අනුවාදයයි. ඇමරිකානු ගායක බොබ් ඩිලන් විසින් එය ලියනු ලැබ 1963 දී මුල් වරට ගායනා කරන ලද්දේ ඔහුගේ දෙවන ගී තැටියටය. අප මේ විස්තර කියවා ගන්නේ ජාතික පුස්තකාල සේවා ආයතනයේ ” ප‍්‍රලේඛා” (2013* සඟරාවෙන් බව සඳහන් කරන්නේ කෘතවේදීවය.

ඒ අනුව මේ ගීය නිර්මාණය වන්නේ නීග්‍රෝ ආත්මික තනුවකිනි. ඒ ආත්මක ගීතයේ අත්වැල වන No more auction block for me hkak The answer my friend is blowing in the wind (පිළිතුර සුමිතුරේ පාව යයි උඩු සුළෙඟ්)

කෙසේ වුව විෂම සමාජ තත්ව හමුවේ එය දකිමින්, එහෙත් එය ඉවසමින් නිහඬ ව සිටින්නා වු ජනයා ගැන කළ ප‍්‍රබල විවේචනයක් ලෙසින් අදටත් ඔහුගේ ඒ ගීතයට ඇගැයීමක් තිබේ. 1960-70 කාල වලදී ඇති වූ සිවිල් අයිතිවාසිකම් උද්ඝෝෂන, යුද විරෝධය පසුබිමේ ඇසුණු මේ ගීතය බොබ් ඩිලන් ගායනා කළේ ජින් බේස් නම් ප‍්‍රකට ජන ගායිකාවත් සමඟය. ගීතය ජනප‍්‍රිය වීමට එයද හේතු වී යැයි පැවසේ.

බටහිර සංගීත රටාව මුළුමනින්ම වාගේ තම ප‍්‍රකාශනය කරගත් ඔහු නිසා බටහිර සංගීතයද අතු ඉති ලා වැඩුණි. සාම්ප‍්‍රදායික ගීත රචනා කලාව ඔස්සේම නොගොස් එය ජන ගී රටාවෙන් පිටතට ගෙන තමන්ට අනන්‍ය ශෛල්‍යයක් තනා ගැනීමටත් ඔහු පසුබට නොවීය. බොබ් ඩිලන් කවියෙකු යැයි කීම සදොස් නොවේ. ඉහත කී ගීතය ඔහු නිර්මාණය කර ගන්නේද කාව්‍ය රචනාවක් ඇසුරිනි. සිය ගීත ශෛල්‍යයේදී ජන ගී කෙරෙහි ඔහු දැක් වූ වෙසෙස් කැමැත්ත උද්ධෘත කෙරෙන ” ජන ගී ආර ඔස්සේ යමින් ගෙතූ පදමාලා තුළින් ඔහු කතන්දර කීවේය.” (ප‍්‍රලේඛා* යන කියුම අපුරු යැයි සිතමි. ඒ සම්බන්ධයෙන් තව දුරටත් මෙසේද කියැ වී ඇත. ”විටෙක එම පදමාලා භ‍්‍රාන්ති ජනක විය. තවත් විටක විඥානධාරා රීතිය අනුව ඔහු පද ඇමුණුවේය.”

dylan-wien-2

ගායකයෙකු වීමට ප‍්‍රාණවත් කට හඬක් අවශ්‍යය යන්න අදටත් නොපිලිගැනෙන්නක් නොවේ. එහෙත් බොබ් ඩිලන්ට තිබුණේ නාසික හඬකි. ජන ගී ආර හා බැඳුණු අනන්‍ය ගී ශෛල්‍යයක් ඔහු විසින් බිහි කරන ලද්දේ ඒ නාසිික හඬෙනි.. තවද එකල්හි නැගී එමින් සිටි ජෝන් ලෙනන් ප‍්‍රමුඛ සංගීත කණ්ඩායමේ විනෝදාස්වාදයේ ගීත රටාවට සමාජ අරුතක් එක් කරන්නේද නාසික හඬකින් ගී ගැයු මේ ගායකයා යැයි කියැවේ.

ඔහුගේ සැබෑ නම රොබට් ඇලන් සිමර්මන්ය. යුදෙව්- රුසියානු සම්භවයක් ඇති ඔහු ”බොබ් ඩිලන්’‘ වන්නේ තමන් වඩාත්ම ප‍්‍රිය කළ කවියා වන ඩිලන් තෝමස් ගේ නමෙන් කොටසක් ගනිමිනි. අවුරුදු දහයේ සිටම කවි ලියූ ඔහුගේ ප‍්‍රියතම ගායකයන් ලෙසින් සඳහන් වන්නේ එල්විස් ප්‍රෙස්ලි, ජෙරී ලී ලිවීස් ලිට්ල් රිචඞ් යන අයයි.

ඔහු එතෙක් කාලයක් විසූ කුඩා හිබිං ගම්මානය අත්හැර මිනියාපොලිස් නගරයට පැමිනෙන්නේ මිනසෝටා විශ්ව විද්‍යාලයෙහි අධ්‍යාපනය හැදෑරීමටය. එම වෙනස ඔහුගේ ජීවිතයට, නිර්මාණශීලි දිවි පැවැත්මට වැඩි ඉඩක් ලබා දුන්නාට සැක නැත. විටෙක ගිටාරයත්, තවත් විටෙක මෙලෝඩිකාවත් වයමින් කෝපි හල්, පීසා අවන්හල් මෙන්ම සමාජ ශාලාවන්හී ගී ගයමින් ඔහු ඉල්ලා සිටියේ ඒ පුළුල් ඉඩ අවසරය විය යුතුය. ඒත් සමඟම හෑන්ක් විලියම්ස්, රොබට් ජොන්සන්, වුඩිගත‍්‍රි යන ජන ගායකයන්ගේ ඇසුර ද ඔහු ලැබුවේය. කොහොමටත් හුදු ජනප‍්‍රිය ගීතය සිය ප‍්‍රාර්ථනීය ඉලක්කය බවට පත් නොකරගත් හෙතෙම ගීතය වනාහි බැ?රුම් කර්තව්‍යයක්ය කියන තැන සිටියේය. ඒත් සමඟම ඔහුට යම් දෙයක් ගිලිහුණි. ඒ ඔහුගේ සරසවි අධ්‍යාපනයයි.

bob-dylan (1).jpg

විශ්ව විද්‍යාලයිය අධ්‍යාපනය පසෙකට දමන බොබ් ඩිලන් නිව්යෝර්ක් නගරයට පැමිණ ග‍්‍රිනිච් ගම්මානයෙහි කලාකරුවන් ඇසුරේ වෙනස්ම අත්දැකීමක් ලබන්නට වූයේය. 19 සියවස අග භාගයේ සිට අසම්මතවාදී කලාකරුවන්ගේ නිදහස් ජීවන කළාපයක් බවට මේ ගම්මානය පත් වී තිබිණි. ”බීට්” නමින් හඳුන්වාගත් උප සංස්කෘතියේ උත්පත්ති බිම වූයේද මේ ගමයි. මෙහි විසූවන් විශේෂයෙන්ම තරුණ ප‍්‍රජාව සම්මත ජීවන පැවැත්ම පුතික්ෂේප කළහ. නව නිදහස්වාදී ජීවන පෙවෙතතක් වෙනුවෙන් පෙරදිග ආගම් කෙරෙහි උනන්දු වෙමින් මරිජුවානා වැනි මත් ද්‍රව්‍ය භාවිතයටද ඔව්හු ඇබ්බැහි වී සිටියහ. ඊට හේතුව බටහිර භෞතික ජීවන පැවැත්මෙන් ලද වෙහෙසය යනුවෙන් හඳුණා ගැනීමක් පවතී.

බොබ් ඩිලන් සිය පළමු ගීත ඇල්බමය එළි දක්වන්නේ 1962 දීය. එහි සාම්ප‍්‍රදායික ජන ගීත තනු ඇසුරෙන් කළ ගීත ගණනාවක්ම ඇතුළත් බවත්, ඉනුත් මහළු නීග්‍රෝ ”බ්ලූ” ගායකයෙකුගේ ස්වරයෙන් ගැයෙන See that my grave is kept clean ( මගේ මිනී වල පිරිසිදුව තියාපල්ලා) යන්න එහි එන ජනප‍්‍රිය ගීයක්ය යනුවෙනුත් සඳහන් වී තිබේ. මේ ආකාරයට සාම්ප‍්‍රදායික ජන ගීය ආභාෂයක් කර ගනිමින්, සමාජ සංසිද්ධීන් වස්තු කර ගනිමින් මතු නොව පෞද්ගලික අත් විඳීම් ප‍්‍රකාශනයෙන් ඔහු ඇමරිකානු ජනප‍්‍රිය ගීතයේත්, සංගීතයේත් පැවැති හැඩතල වෙනස් කළ බවට ව්චාරකයෝ පවසති. තවද එම ගීත වල ගීතමය මතු නොව කාවත්‍මය ගුණාංගයද අවසාන විග‍්‍රයටය්දී බොබ් ඩිලන් නම් අනන්‍යතාව ප‍්‍රකට කරනවාය යනුවෙන්ද ඔවුහු වැඩි දුරටත් පෙන්වා දෙතිි.

dylan460

ඒ හැරුණු කළ මේ ගායකයාට වෙනස් ආකාරයක පුද්ගල අනන්‍යතාවක්ද හිමිය. අපට එය මෙසේ විස්තර කළ හැකිය. ”ගීත නොගයන අවස්ථා වලදී බොබ් ඩිලන් කියන්නේ පූර්ණ වශයෙන්ම හුදෙකලා මිනිසෙකි. ඒ හුදෙකලාව විසින් ඔහුව සිත්තරෙකු බවට පර්වර්තනය කරනු ලබයි.”

සකස් කලේ – මොහාන් ශ‍්‍රියන්ත ආරියවංශ

Views 1,939

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s