සැඳෑ අහසේ
ඉහිරුන ලා රත් එළිය යි
නිහඬ වලප
මුව කමලයි
බැස ගිය හිරු සොයා
සඳ එළියේ පිපෙන
කුමුදු මල ඔබ ද?
හිරු පායනා සඳ
පරවෙනා
ඒ නුඹ කවුද
මුවින් මුවඟ රොන් සුණු විඳිනා එකල
රතින් රත් පැහැය ජීවය පිරුණ වත
මද රත් කොපුල් සැලුනේ අති සියුම් ලෙස
එවන් අසිරි හැරදා ගිය ගාන්ධර්වයා මම ය
“රුව ඇති පුතුන් වැදුවා මම වැරදී ද
රුව ගුණ තේජසක් මගෙ අඩු වුණා වද
ගරු සරු නැති කමක් මාතින් යෙදුණාද”
එසේ අසා
ඇය හෙමිහිට හැඬුවාය
කිසිදු වරද අත නැති මා
පිය සොඳුර
කිසිත් හැඟීමක්
ඒ ගැන
මා තුළ තවම නැත
එහෙත් ඇය කියයි
හැර ගිය මා හට මෙලෙස
“සැම සියලු දෙවියෝ පිහිටයි ඔබට”
මොහාන් ශ්රියන්ත ආරියවංශ